Microsoft ընկերությունը Գործընկերներ ուսման ոլորտում ծրագրի շրջանակներում առաջին անգամ Հայաստանում կանցկացնի «Նորարարական մեթոդներ կիրառող ուսուցիչների հայաստանյան ֆորում»–ը, որը տեղի կունենա 2009 թվականի դեկտեմբերի 17-ին: Այս մեկօրյա մրցույթ-խորհրդաժողովի ընթացքում, կուսումնասիրվեն նաև իրական կյանքից վերցված՝ դասավանդման և ուսուցման մակարդակների բարձրացմանն ուղղված տեխնոլոգիաները ամենանորարարական մեթոդներով կիրառելու օրինակները:
Մրցույթ խորհրդաժողովին կարող են մասնակցել այն բոլոր ուսուցիչներն ու դասավնադողները, ովքեր ցանկանում են իրենց դպրոցում, իրենց դասարանում նորարար մեթոդներով և տեխնոլոգիաների կիրառմամբ անցկացվող դասերը ներկայացնել ողջ հանրությանը և շահել մրցանակներ:
Մենք ակնկալում ենք իրական կյանքից վերցված նման օրինակներ ձեզանից` ուսուցիչներ և դասավանդողներ. ունե՞ք արդյոք այնպիսի ուսումնական նախագծեր, որոնց հիմքում ընկած է դասը վարելու եղանակի էական փոփոխություններ առաջացրած որևէ տեխնոլոգիաներ: Կարողացե՞լ եք ներգործել ձեր գործընկերների վրա: Ձեր կարծիքով, կարո՞ղ են արդյոք այդ նախագծերը մրցույթում հաղթող ճանաչվել:
Ուստի, ինչու՞ չմասնակցել «Նորարարական մեթոդներ կիրառող ուսուցիչների հայաստանյան ֆորումի» շրջանակներում անցկացվող մրցանակաբաշխությանը: Հնարավոր է, որ դուք ճանաչվեք Հայաստանի լավագույն դասավանդողներից մեկը, և Ձեզ կհրավիրեն՝ խորհրդաժողովի ընթացքում Ձեր աշխատանքը ներկայացնելու մյուս մասնակիցներին: Ներկայացվող դիմումները կքննարկվեն, և տասնհինգ լավագույն ծրագրեր մշակողները կհրավիրվեն մասնակցելու խորհրդաժողովի աշխատանքներին և Մրցանակաբաշխության ճաշկերույթին:
Միջոցառման ընթացքում կհայտարարվեն այն երկու լավագույն նախագծերը, որոնց հեղինակները կհրավիրվեն ներկայացնելու իրենց նախագիծը 2010 թվականի մարտ ամսին Բեռլինում կայանալիք հերթական՝ «Նորարարական մեթոդներ կիրառող ուսուցիչների եվրոպական ֆորումին»:
Դիմումների ընդունման վերջնաժամկետը 2009 թվականի նոյեմբերի 25-ն է:
Առաջին՝ «Նորարարական մեթոդներ կիրառող ուսուցիչների հայաստանյան ֆորումը» Ձեզ հնարավորություն է տալիս ներկայացնելու տեխնոլոգիան նորարարական եղանակներով կիրառելու մեթոդները՝ աշակերտների և ուսանողների հետ ուսումնական գործընթացը կազմակերպելիս:
Նախագծերն անհրաժեշտ է փաստաթղթավորել` օգտագործելով «Վիրտուալ շրջայց դասասենյակից» ձևանմուշը: Այն կարելի է ներբեռնել «Նորարարական մեթոդներ կիրառող ուսուցիչների հայաստանյան ֆորում»–ի համայնքի կայքից:
Սպասում ենք Ձեր ակտիվ մասնակցությանը և ակնկալում հետաքրքիր նախագծեր Ձեր դասասենյակից:
Հավելյալ տեղեկատվության համար կարող եք դիմել
Գործընկերներ ուսման ոլորտում ծրագրի ղեկավար
Քրիստինե Գյոնջյանին
Հեռ.: 5148 92